ue disen sovent, quan volèm parlar d'un testut : qu'ei testut coma l'aso de Biscarròssa. Aquíu d'on ven lo disedí.

Un còp, que i avèva a Biscarròssa un aso qui volèva pas béver. Viste, lo mèstre qu'apèra los vesins, e tots los òmis gualhards deu borg qu'arrivan per l'i balhar la bona ajuda. Aqueths òmis qu'estacan ua còrda au còth de l'aso, e tots amassa que se hican a lo tirar de cap tà l'estanh. Mès, tot d'un còp, lo licòth que's copa, e polh ! Tots los Biscarrossèrs que tomban dihens l'aiga sora-bora !

D'aquèth temps, l'aso testut que se'n èra anat bèver d'eth avant.