n còp èra, un òme miava la sua craba au marcat. Arribats au pont, la craba que refusèc de passar l'arriu. L'òme, maucorat, qu'aperèc un can e que'u digóc :

"Can, mossèga la craba !"
Mès lo can volóc pas mossegar la craba.
Alavetz l'òme qu'aperèc lo lop que se passejava deu costat deu bòsc.
"Lop, minja lo can !"
Lo lop volóc pas minjar lo canh.
L'òme qu'aperèc un ors.
"Ors, alassa lo lop !"
L'ors volóc pas alassar lo lop.
L'òme qu'aperèc lo bueu.
"Bueu, estripa l'ors !"
Lo bueu volóc pas estripar l'ors.
L'òme prengóc ua còrda e que'u digóc d'estacar lo bueu. Mès la corda volóc pas estacar lo bueu.
Alavetz l'òme que demandèc a l'arrat :
"Arrat, arromèga la còrda !"
L'arrat volóc pas arromegar la còrda.
L'òme qu'aperèc lo gat e que'u digóc :
"Gat, minja l'arrat !"
Mès lo gat volóc pas minjar l'arrat.
Alavetz l'òme que digóc a un pilòc de lenha que se trobava peu sòl :
"Lenha, espotish lo gat !"
Mès la lenha volóc pas espotir lo gat.
L'òme qu'aluquèc un huec qui volèva plan cremar la lenha. Alavetz la lenha que volóc plan espotir lo gat. Lo gat que volóc plan minjar l'arrat. L'arrat que volóc plan arromegar la còrda. La còrda que volóc plan estacar lo bueu. Lo bueu que volóc plan estripar l'ors. L'ors que volóc plan alassar lo lop. Lo lop que volóc plan minjar lo can. Lo can que volóc plan mossegar la craba. Atau la craba passèc l'arriu suu pont !
Malurosament lo marcat qu'èra acabat. L'òme tornèc la sua craba a la maison.
E, çaquelà, qu'ac cau diser : la craba volèva pas estar venuda.

E crac, e cric, mon conte ei finit
E cric, e crac, mon conte ei acabat.